Евро-2016. Польша пенальтилар серияси орқали чорак финалга чиқди

26.06.2016

Евро-2016. Польша пенальтилар серияси орқали чорак финалга чиқди Баҳо: + | —

ЕВРОПА / Европа чемпионати / Плей-офф финаллари
Рукн: Шарҳлар ва Анонслар

Европа чемпионатида дастлабки плей-офф учрашуви анча қизиқарли ўтди. Швейцария ва Польша терма жамоалари ўртасидаги ғолиб номи пенальтилар сериясида аниқланди.

Польша учрашувни анча фаол бошлади. Швейцариялик ҳимоячи Миликнинг босими остида тўпни дарвозабонга етказди, аммо ушбу тўп учун Левандовски ҳам югурди. Зоммер бир амаллаб тўпни қайтарди. Шундоққина жарима майдончаси чизиғи устида Милик бўш дарвозага аниқ зарба бера олмади. Тўп юқоридан ўтиб кетди.

Умуман олганда, польшаликлар биринчи бўлимни нисбатан яхшироқ ўтказди ва ҳақли равишда ҳисобни очди. Гросицки чап қанотда 2-3 ҳимоячининг орасидан ўтиб кетди ва нариги томонда очиқ турган жамоадошини тўп билан таъминлади. Блашчиковскининг зарбасидан кейин тўп Зоммернинг оёқлари орасидан ўтиб, тўрга бориб тушди.

Иккинчи бўлимнинг бошида яна польяклар кўпроқ хавфли вазият яратишди. Аммо Швейцария аста-секин ташаббусни қўлга олиб, босим уюштира бошлади. Польша посбони Фабиански иккита ўта хавфли зарбани қайтарди. Родригеснинг жаримадан йўллаган кучли ва ўта аниқ зарбасини дарвозабон «тўққизлик»дан қайтарган бўлса, Сеферовичнинг жарима майдончаси ичида йўллаган зарбаси тўсинга тегиб қайтди.

Ўйин тугашига 8 дақиқа қолганида Жердан Шакири фантастик гол муаллифига айланди. У жарима майдончаси ташқарисидан акробатик услубда зарба берди ва тўп устунга тегиб, тўрга бориб тушди.

Қўшимча бўлимларда швейцарияликлар устунликка эга бўлишди. Дарвозабон Лукаш Фабиански рақиб ҳужумчиси Дердийок томонидан яқин масофадан бош билан берилган зарбани қайтаришга муваффақ бўлди.

Пенальтилар сериясида омад Польшага кулиб боқди. Футболчиларнинг барчаси зарбани аниқ беришди, аммо швейцариялик Жака 11 метрли нуқтадан ўта ноаниқ зарба йўллади.

Евро-2016. Нимчорак финал, соат 18:00
ШВЕЙЦАРИЯ — ПОЛЬША — 1:1. Пенальтилар серияси — 4:5
Голлар: 0:1 – 39 Блашчиковски, 1:1 – 82 Шакири.
Швейцария – Зоммер, Шер, Родригес, Лихтштайнер, Журу, Шакири, Жака, Беҳрами (Фернандес, 77), Жемаили (Эмболо, 58), Меҳмеди (Дердийок, 70), Сеферович.
Польша – Фабианьски, Глик, Енжейчик, Пишчек, Паздан, Блашчиковски, Криховяк, Мончиньски (Йодловец, 101), Гросицки (Пешко, 104), Милик, Левандовски.

Высшая лига
#КлубСО
1Пахтакор1226
2Бунёдкор1225
3Навбаҳор1221
4Бухоро1221
5Локомотив1219
6Насаф1217
7Металлург1216
8Қўқон-19121215
9АГМК1213
10Қизилқум1210
11Сўғдиёна129
12Нефтчи125
Молодёжная лига
#КлубСО
1Пахтакор1226
2Бухоро1223
3Бунёдкор1223
4Қизилқум1221
5Нефтчи1219
6Насаф1217
7Навбаҳор1217
8Металлург1216
9Қўқон-19121211
10Локомотив129
11АГМК129
12Сўғдиёна126