29.06.2017

“Реал” президенти Флорентино Перес яна бир бор жамоа ҳужумчиси Криштиану Роналдунинг келажаги ҳақида фикр билдирди.

“Криштианунинг “Реал” билан шартномаси бор. Биз фақат у жамоадошларига нима деганини биламиз. У билан гаплашганим йўқ ва эълон қилинган нарсалар муҳим деб ҳисобламайман. Кутишимиз керак ва Конфедерациялар Кубогидан сўнг у билан суҳбатлашаман. Роналду ўз вазифаларини ҳалол бажаради ва кўпчилик унга зарар етказмоқчи бўлаётганидан одам хафа бўлади. У “Реал”да ўйнаётганидан хурсандмиз. Менимча, Роналду “Реал”да қолади. Айни дамда ортиқча ҳавотирга ҳожат йўқ” – дейди Перес.

Олдинроқ Испания прокуратураси Роналдуни 2011-2014 йилларда 14,7 млн. евро солиқ тўламаганликда айблаётган эди.