18.10.2019

Маълумки, ўтган йили Қирғизистоннинг Баткен шаҳрида анъанавий халқаро турнири “Фарғона водийси кубоги” мусобақаси ўтказилганди. Бу йил ушбу мусобақага Фарғона шаҳри мезбонлик қилади. 19-21 октябрь кунлари Фарғона шаҳрининг бир қатор  стадионларида мухлислар қизиқарли кечиши кутилаётган ўйинларга гувоҳ бўлишади.

Мусобақада “Нефтчи”, “Қўқон-1912”, Андижоннинг “Ўз-Тонг-Хонг-Ко”  жамоалари билан бир қаторда Қирғизистоннинг икки клуби – Баткеннинг “Нур-Баткен”  ҳамда  Ўшнинг  “Академия”  жамоалари иштирок этишади.

Эртага мусобақанинг биринчи ўйинида – Қиргулидаги “Нефтчи”  СК стадионида Фарғонанинг “Нефтчи” ҳамда Андижоннинг  “Ўз-Тонг-Хонг-Ко”  жамоалари куч синашади. Беллашув соат 15:00 да старт олади.
Мазкур учрашув ғолиби  “Қўқон-1912” жамоаси билан майдонга тушади. Ушбу баҳс 20 октябрь куни “Истиқлол” стадионида соат 15:00да бошланади.

Эслатиб ўтамиз, йил бошида Фарғонада бўлиб ўтган “Вилоят ҳокими кубоги-2019” баҳсларида “Қўқон-1912” жамоаси бош совринни қўлга киритган эди.