13.03.2020
Қўқондаги 2-БЎСМ стадионида U-21 биринчилиги 3-тур доирасидаги “Қўқон-1912” – “Сўғдиёна” учрашуви бўлиб ўтди.
Учрашувнинг 3-дақиқасида меҳмонлар ҳисобни очишди. Бурчакдан оширилган тўпни Нодирбек Қўйбоқов боши билан дарвозамизга жойлаб қўйди. 5-дақиқада Бек Абдуллаевнинг зарбаси хавфли кўриниш олди. 16-дақиқада рақибларимиз иккинчи тўпни киритишди. Бу сафар Даниель Насриддинов гол муаллифи бўлди. 38-дақиқада вакилларимиз стандарт вазиятга эга бўлишди ва жуда қулай вазиятдан фойдалана олишмади.
Биринчи бўлимнинг қолган дақиқаларида футболчиларимиз рақиб дарвозаси олдида кўплаб вазиятларни юзага келтиришди. Бироқ танаффусга қадар рақиб дарвозасига йўл топа олишмади.
Иккинчи бўлимни қўқонликлар фаол тарзда бошлашди. 47-дақиқада Ҳамидилло Абдуҳамидов деярли бирга-бир вазиятдан фойдалана олмади. 58-дақиқада меҳмонларни дарвоза устуни голдан сақлаб қолди. Ҳамидилло Абдуҳамидовнинг зарбасини дарвоза устунига тегиб қайтди. 67-дақиқада ҳисоб йириклашди. Саҳоб Рашидов ҳимоядаги хатодан унумли фойдаланди. “Сен урмасанг сенга уришади” деган нақл яна бир бор ўз исботини топди. Негаки, учинчи голга қадар вакилларимиз кетма-кет ҳужумларни ташкил этишаётган эди.
Қолган дақиқаларда катта куч билан ҳужумга зўр берган футболчиларимиз рақиб дарвозаси олдида бир қатор хавфли вазиятларни юзага келтиришганига қарамай, ҳисобни ўзгартира олишмади. Шу тариқа, ёшларимиз йирик ҳисобда мағлубиятга учрашди.
U-21 биринчилиги
3 тур
“Қўқон-1912” – “Сўғдиёна” – 0:3 (0:2)
Ҳакамлар: Шавкат Насибуллаев, Шохрух Аъзамов, Амориддин Саидов, Аҳрор Раҳматов.
Назоратчи: Константин Смирнов.
Комиссар: Зохир Акрамхонов.
Голлар: Нодирбек Қўйбоқов (3), Даниель Насриддинов (16), Саҳоб Рашидов (67).
“Қўқон-1912”: 12. Муҳаммадали Собиров, 2. Шаҳзод Маъмуржонов, 5. Жасур Ёқубов, 19. Хамидилло Абдухамидов, 24. Абдуллох Миркомилов
Захира: 67. Эгамберди Алижонов, 26. Муроджон Ғанижонов, 28. Элнур Турғунов, 31. Иброҳим Мухторов, 32. Шукуржон Мўминов, 38. Билолиддин Мухторов, 40. Жамшид Қобилов, 41. Абдулла Юнусов, 42. Рустем Асанов.
«Сўғдиёна”: 50. Алишер Пирматов, 9. Ойбек Нурматов, 14. Даниэл Насриддинов, 21. Саҳоб Рашидов, 22. Шаҳбоз Жўрабеков, 24. Муҳаммад Яҳёев, 25. Нодир Қўйбоқов, 33. Асил Орифов, 36. Элёр Собиржонов, 53. Диёр Юнусов, 66. Муродхўжа Жабборов.
Захира: Ширинбой Абдуллаев, 34. Жаҳонгир Сафаров, 38. Жавлон Ибодуллаев, 40. Бегзод Пиримқулов, 44. Сардор Нурмуротов, 99. Алфайзи Неъматов.
