06.09.2017

Муҳсин Низомиддинов бошчилигидаги ўринбосарларимиз Самарқандда мағлубиятга учрашди.

Учрашув кескин бошланди. Илк дақиқада Дилшод Баратовни қўпол равишда тўхтатган мезбон футболчиси сариқ карточка билан жазоланди.

Учрашувнинг 26-дақиқасида ҳисоб очилди. Жасур Қурбонов узоқдан зарба йўллади.  Тўп йўл-йўлакай бошқа бир футболчига тегиб йўналишини ўзгартирди ва кутилмаганда дарвозамиз тўрига бориб тушди.

Голдан руҳланган мезбонларда яна бир хавфли вазият вужудга келган эди. Сўнгги зарба ноаниқ бўлди.

Биринчи таймнинг сўнгги дақиқасида футболчиларимиз ҳисобни тенглаштиришлари мумкин эди. Аммо Аброр Рахмоновнинг зарбаси бироз ноаниқ бўлди.

Иккинчи бўлимни ҳужумкор руҳда бошладик. Дилшод Баратовнинг зарбасини давозабон аранг қайтарди.

66-дақиқада Раҳмоновнинг аниқ зарбасини мезбонлар посбони маҳорат кўрсатиб қайтариб қолди.

Ордадан бир дақиқа ўтиб энди Сидоровнинг голи ҳисобга олинмади. Офсайд қайд этди қанот ҳаками.

Ўйин якунида футболчиалримизда ҳисобни тенглаштириш учун яна бир қатор вазиятлар вужудга келганди. Бироқ улардан фойдалана олмадик ва ўринбосарларимиз иккинчи лаврадаги биринчи мағлубиятни қабул қилиб олишди.

 

Ёшлар лигаси

20-тур

“Динамо” – “Қўқон-1912” – 1:0 (1:0)

Гол: Жасур Қурбонов – 26.

“Динамо”: 46. Рустам Тоштурдиев, 4. Хакимхон Аъламхонов, 6. Миркомил Локаев, 8. Жасур Қурбонов, 12. Искандар Холмирзаев, 15. Бунёд  Исроилов, 17. Муҳаммад Исаев , 18. Абдумалик Абдуллаев, 22. Тимур Файзуллаев, 28. Муҳаммад Ражабов, 55. Саиджамол Давлетжонов.

Захира: 1. Фарход Рахматов, 16. Шуҳрат Холмуродов, 33. Асадбек Толипов, 34. Дамир Темиров, 42. Орзимурод Аҳмедов, 70. Рамз Бобомирзаев, 95. Умид Ражабов.

«Қўқон-1912»: 30. Ислом Абдуллаев , 4. Дониёр Тўлашев, 6. Дилшод Баратов, 7. Ойбек Рустамов, 9. Андрей Сидоров, 10. Аброр Раҳмонов, 20. Мўминжон Содиқжонов, 25. Исмоил Охунжонов, 29. Иқбол Маликжонов, 55. Саидмирзо Тўхтасинов, 75. Маъмур Раҳимов.

Захира: 15. Иброҳим Аҳмаджонов, 19. Достон Мелиқўзиев, 26. Бахтиёр Абдубаннонов. 70. Дадахон Сулаймонов.