04.11.2017
Аввал хабар бериб ўтганимиздек, жорий мавсум Қўқон футболи учун муҳим ҳодисаларга бой бўлмоқда. 2017 йилда мухлисларимиз бир қатор тарихий воқеалар гувоҳ бўлишмоқда.
Жорий йилда жамоамиз Қўқон футболи тарихига янги саҳифаларни очиб бермоқда. Бухорода ўйинда жамоамиз Олий лигадаги 368-учрашувни ўтказди. “Навбаҳор” билан бўлиб ўтган баҳсда Олий лигадаги юбилей 450-очко қўлга киритилган бўлса, навбатдаги беллашувда яна битта тарихий воқеага гувоҳи бўлдик. Шу кунга қадар “Қўқон-1912” футболчилари чемпионат доирасидаги баҳсларда рақиблари дарвозасига 498 та гол киритишганди. Бухорода 500-довон ҳам забт этилди. Юбилей голга жамоамиз етакчиси Мурод Холмуҳаммедов муаллифлик қилди. Вакилларимизга навбатдаги ўйинларда омад тилаб қоламиз.
