24.11.2017
Бугунги учрашувни ҳам футболчиларимиз фаоллик билан бошлашди. 9-дақиқа ўтиб бораётган паллада Достон Мелиқўзиев рақибларнинг хатосидан унумли фойдаланиб, ҳисобни очди. 20-дақиқада Бахтиёр Абдубаннонов ажойиб рейд уюштирди. У жарима майдончасига қадар кириб бориб дарвоза томон зарба берди. Якуний зарбага аниқлик етишмади.
29-дақиқада футболчиларимиз яхши комбинацияни ижро этишди. Сўнгги паллада меҳмонлар посбони тўпни эгаллаб олди.
38-дақиқада меҳмонлар ҳисобни тенглаштиришди. Жасур Умаров жамоадошлари ошириб берган тўпни дарвозамизга аниқ йўллади.
Биринчи бўлим якунланиши арафасида Фарҳод Имомов жамоасини олдинга олиб чиқиши мумкин эди. Ундан олмад юз ўгирди.
Биринчи тайм шу ҳисобда якунига етди.
Иккинчи бўлимни меҳмонлар фаол тарзда бошлашди. Лекин тайм бошидаги устунликлар олмалиқликлар унумли фойдалана олишмади. 60-дақиқада бизда ҳисобни ўзгаритиш учун яхши вазият вужудга келди. Достон Мелиқўзиевнинг боши билан берган зарбаси бироз ноаниқ бўлди. 73-дақиқада меҳмонлар гол уриш учун яхши имкониятга эга бўлишди. Аммо Ислом Абдуллаев маҳорат кўрсатиб хавфни бартараф этди.
Қолган дақиқаларда жамоалар ҳарчанд ўринишмасин, рақиб дарвозасини ишғол этиш ҳеч кимга насиб этмади.
Шу тариқа, дуранг қайд этган ўринбосарларимиз мавсумни учинчи ўринда якунлашди.
Ёшлар лигаси
30-тур
“Қўқон-1912” – “Олмалиқ” – 1:1 (1:1)
Ҳакамлар: А. Раҳимов, Ш. Аъзамов, Қ. Собиров, Ж. Ҳакимов.
Голлар: Достон Мелиқўзиев-9. – Жасур Умаров-38.
“Қўқон-1912”: 30. Ислом Абдлуллаев, 6. Дилшод Баратов, 7. Дониёр Ҳасанов, 8. Бахтиёр Абдубаннонов, 10. Аброр Раҳмонов, 15. Иброҳим Аҳмаджонов, 19. Достон Мелиқўзиев, 24. Мўмин Содиқжонов 25. Исмоил Охунжонов, 33. Иброҳим Мухторов, 75. Хушнуд Авилов.
Захира: 16. Мирзоҳид Жалилов, 4. Дониёр Тўлашев, 11. Исмоил Толипов, 23. Шаҳзод Эргашев, 26. Рамзбек Исақов, 31. Шукур Мўминов, 70. Дадахон Сулаймонов.
“Олмалиқ”: 1. Аброр Каримов, 3. Шаҳзод Алақулов, 4. Азиз Суюнов, 7. Дадахон Юсупов, 8. Яҳё Рўзиев, 10. Дониёр Набиев, 11. Шахбоз Умаров, 14. Камрон Абдулҳамидов, 17. Миржалол Мирюсупов, 18. Жасур Умаров, 19. Қувондиқ Мўминов.
Захира: 45. Акбар Тўраев, 2. Фаррух Содиқов, 6. Аббос Тўлқинов, 9. Аваз Раҳматуллаев, 13. Фарҳод Имомов, 15. Достон Рашидов, 20. Азамат Жумабоев.
