02.02.2018

Бугун ўринбосарларимиз “Вилоят ҳоким кубоги-2018” халқаро мусобақасидаги учинчи учрашувларини ўтказишди. Бу галги рақиб Олтиариқнинг “Ифтихор” жамоаси бўлди.

Учрашувнинг 19-дақиқасида ҳисоб очилди. Вакилларимиз ўз жарима майдончалари ичида Отабек Ҳайдаровга нисбатан қўполлик ишлатишди. Бош ҳакам ҳеч иккиланмай дарвозамизга пенальти белгилади. Пенальтини Отабек Ҳайдаровнинг ўзи аниқ амалга оширди.

Ўринбосарларимизнинг олдинги иккита ўйинида ҳам ҳисоб очувчи гол пенальтидан киритилган эди. Бу сафар ҳам ҳисоб пенальтидан киритилган гол эвазига очилди.

33-дақиқада “Ифтихор” футболчилари иккинчи тўпни киритишлари мумкин эди. Аммо Отабек Ҳайдаров жуда қулай имкониятдан фойдалана олмади.

Биринчи тайм охирида Бахтиёр Абдубанноновнинг кучли зарбасини олтиариқликлар посбони қайтариб қолди. Жамоалар танаффусга шу ҳисобда чиқиб кетишди.

Иккинчи таймда вакилларимиз бироз жонланишди.

66-дақиқада бурчак тўпидан кейин Дониёр Тўлашев боши билан рақиб дарвозасини аниқ нишонга олиб ҳисобни тенглаштирди.

Сўнгги дақиқаларда олтиариқлик олдинга чиқиб олишди. “Ифтихор”нинг иккинчи голига захирадан майдонга Жасур Қувваталиев муаллифлик қилди.

Шу тариқа, ўринбосарларимиз муҳим учрашувда мағлубиятга учрашди.

 

“Вилоят ҳоким кубоги-2018”

“С” гуруҳи

3-тур

“Қўқон-1912-2” – “Ифтихор” – 1:2 (0:1)

Ҳакамлар: Олим Тўйчибоев, Равшан Кападзе, Шохрух Аъзамов.

Назоратчи: Владимир Касаев.

Голлар: Дониёр Тўлашев – 66. – Отабек Ҳайдаров – 19, Жасур Қувваталиев – 89.

“Қўқон-1912”: 30. Ислом Абдуллаев, 5. Дониёр Тўлашев, 6. Дилшод Баратов, 7. Сардор Исақов, 9. Рамз Исақов, 10. Иброҳим Мухторов, 15. Иброҳим Аҳмаджонов, 19. Достон Мелиқўзиев, 20. Мўмин Содиқжжонов, 26. Исмоил Толипов, 29. Иқбол Маликжонов.

Захира: 1. Муҳаммадали Собиров, 25. Шоҳжаҳон Қосимжонов, 28. Бахтиёр Абдубаннонов, 31. Шукур Мўминов, 70. Иброҳим Усмонов, 75. Маъмур Раҳимов, 90. Рустем Асанов.

“Ифтихор” 35. Муҳиддин Аҳмедов, 4. Турсунбой Ҳусанов, 5. Ойбек Аҳматов, 6. Дониёр Турдиқулов, 7. Оятилло Муҳиддинов, 9. Асадбек Маъмуров, 11. Отабек Ҳайдаров, 13. Ҳасанбой Эргашев, 14. Муҳиддин Юсупов, 15. Карим Мамадалиев, 17. Саид Абдужжаборов.

Захира: 16. Хуршид Муҳаммаджонов, 3. Озод Комилов, 8. Абубакир Абдуллаев, 10. Фаррух Ахунов, 19. Жасур Қувваталиев, 18. Шердор Туронов, 20. Ислом Ҳошимов.