21.03.2018

“Қўқон-1912” жамоаси барчангизни бугунги гўзал баҳор байрами Наврўзи олам билан муборакбод этади!
Наврўз айёми бу- янгиланиш, яшариш, меҳр-муҳаббат байрамидир.
Бу сўзни тилга олганимизда табиатнинг бетакрор уйғониши, одамлар юзидаги байрамона кайфият, баҳорнинг тўкин дастурхони кўз ўнгимизга келади. Қаршимизда кўм-кўк либосга бурканган, гуллар диёрига айланган серқуёш ўлкамиз қад ростламоқда.
Наврўз айёми Шарқ мамлакатларининг, шу жумладан Ўрта Осиё халқларининг янги йил байрамидир. Наврўз байрами ўлкамизга том маънода уйғониш, яшариш, ўзгариш нафасини олиб келади.
Ўлмас қадриятлар байрами, Наврўзи айём сўнмайди. У асрлар давомида мустақил Ўзбекистонимизнинг энг буюк, энг суюк шодиёнаси бўлиб қолади. Ҳар баҳор янги бир қувонч, янги бир дунё олиб келаверади.
Ҳаммамизнинг кўнглимиздаги пок ниятларимиз ижобат бўлсин! Ҳар кунимиз Наврўз бўлсин!