31.03.2018

Кеча Қўқон футболи тарихида янги саҳифа ёзилди. “Қўқон-1912” футзал жамоаси Ўзбекистон чемпионатидаги дебют учрашувини ўтказди. Вакилларимиз мамлакат чемпиони АГМК футзалчиларига қарши мардонавор тўп суришди. Деярли тенг курашлар остида ўтган учрашувнинг сўнгги дақиқаларида ўтказиб юборилган голлар эвазига футзалчиларимиз мағлубиятга учрашди.

Алишер Тўхтабоев “Қўқон-1912” футзал жамоасининг чемпионатлардаги биринчи гол муаллифи бўлган бўлса, Одил Холиқов биринчи дубл соҳиби сифатида тарихда қолди.

Бугун эса футзалчиларимиз яна бир бор АГМКга қарши майдонга тушишади. Учрашув соат 10:00да Қўқон шаҳар 2-сонли болалар спорт мактаби залида бўлиб ўтади.

Футзалчиларимизни қўллаб-қувватлашни унутманг!