17.05.2019

Coca Cola Суперлигаси 9-тур доирасида “Қўқон-1912” жамоаси футболчилари , Қарши шаҳрида “Насаф” жамоасининг меҳмони бўлишади. Аслида Қўқонда бўлиши лозим бўлган учрашув ҳар икки жамоанинг келишувига асосан Қарши шаҳрида бўлиб ўтадиган бўлди. Жамоаларнинг 2-даврадаги учрашуви эса Қўқон шаҳрида бўлиб ўтади.

Нўъмон Хасанов шогирдлари “аждарлар”га қарши ўйинга жиддий тайёргарлик олиб боришмоқда. “Насаф” ҳамда “Қўқон-1912” жамоалари ўртасидаги ўйинлар ҳар доим муросасиз курашларга бой тарзда ўтади. “Шунқорлар” Қаршидан очко олиб келишни ўз олдиларига мақсад қилганлар.
Бугун Қаршидаги “Геолог” стадионида “Қўқон-1912” ҳамда “Насаф” жамоаларининг ўринбосарлари ўзаро баҳс олиб боришади.
Қуйида жамоамизнинг кечаги машғулотларидан олинган суратларни томоша қилинг.