27.10.2019

«Қўқон-1912» жамоаси Ўзбекистон чемпионатларидаги 425-ўйинини ўтказиш арафасида турибди. 14-мавсум кучлилар сафида иштирок этаётган қўқонликлар шу кунга қадар 424 та учрашув ўтказишга муваффақ бўлишди.

Шуларнинг 150 тасида жамоамиз ғалаба қозонган. 66 учрашувда ғолиб номи аниқланмаган. 208 та ўйинда мағлубиятга учраган. Тўплар нисбати 565 – 769. Умумий очколар 516 тани ташкил этади.

Айтганча, ўтган турда Хамидулло Абдуҳамидовнинг “Қизилқум” дарвозасига киритган голи жамоамизнинг миллий чемпионатлардаги 565-голи сифатида тарихда қоладиган бўлди.

Coca Cola Суперлигаси 23-тур доирасидаги “Бухоро” билан бўладиган учрашув жамоамизнинг Ўзбекистон чемпионатлардаги 425-ўйини бўлади.