11.12.2019

Одатимизга содиқ қолган ҳолда навбатдаги мавсум якунларига доир маълумотларни тақдим этишни давом эттирамиз. Бугунги мақоламизда якунланган мавсумда жамоамиз сафида ким нечта гол ургани ҳақида маълумот берамиз.

Аввало шуни айтиш жоизки, якунига етган мавсумда футболчиларимиз рақиб дарвозасини 31 марта ишғол этишган. Голларнинг 14 таси сафар учрашувларига тўғри келмоқда. 17 та голни ўз майдонимиздаги баҳсларда киритганмиз.

Жамоамизнинг тўпурари Мурод Холмуҳаммедов бўлди. Сардоримиз 24 та ўйинда майдонга тушиб рақиблар дарвозасини 8 марта аниқ нишонга олди. Суҳроб Бердиев эса суперлига баҳсларида рақибларни олти марта “ранжитди”. Шунингдек, Шаҳбоз Эркинов ҳисобида ҳам олтита гол бор.

 

Ким нечта гол киритган:

Мурод Ҳолмуҳаммедов – 8 та

Суҳроб Бердиев – 6 та

Шаҳбоз Эркинов – 6 та

Қувондиқ Рўзиев – 2 та

Ойбек Рустамов – 1 та

Отабек Ҳайдаров – 1 та

Собит Синдаров – 1 та

Муҳаммаданас Ҳасанов – 1 та

Ҳамидулло  Абдуҳамидов – 1 та

Аваз Маматхўжаев – 1 та

Жаҳонгир Аҳмадов – 1та

Автогол – 2 та

Жами: 31 та