07.01.2020

“Қўқон-1912” жамоасининг Тошкент шаҳрида бўлиб ўтаётган машғулотлари давом этмоқда. Машғулотлар кунига икки маҳалдан ўтказиляпти. Жамоа машғулотларига бир нечта янги футболчилар қўшилган.

Бугунги машғулотларда ҳимоячилар Шодиёр Хожиматов (Нефтчидан) , Эргаш Исмоилов (Бухородан) Азамат Исроилов (Сурхондан), ҳужумкор ярим ҳимоячи Шохназар Норбеков (Сурхондан) ҳужумчи Ризо Айвезов (Истиқлолдан) иштирок этишди. Дилшод Раҳматуллаев эса спорт формасини ушлаб туриш мақсадида жамоамиз билан машғулотларда қатнашиб турибди.
Шунингдек ўтган мавсумни ўринбосарлар таркибимизда ўтказган Дилшод Баратов ҳам асосий таркиб билан машғулотларда иштирок этяпти.
9 январь куни Душанбенинг “Истиқлол” жамоаси билан назорат ўйини ўтказилади. 14 январь куни эса “Сўғдиёна” ҳамда 18 январь куни “Андижон” жамоалари билан ўртоқлик ўйинлари ўтказиш борасида келишувга эришилган.
Бугун кечки пайт бўлиб ўтадиган машғулотлардан фотогаларея тақдим қиламиз.