08.05.2021

Кеча Ўзбекистон U18-биринчилигида 3-тур учрашувлари старт олди. Эрнест Асанов бошчилигидаги “Қўқон-1912” U18 жамоаси бу турни сафарда ўтказди.
Самарқандда “Динамо” жамоасидаги тенгқурларига қарши майдонга тушган ёшларимиз навбатдаги йирик ғалабани расмийлаштирдилар. Учрашувда тўлиқ устунликка эга бўлган футболчиларимиз  рақиб посбонини уч бора ранжитдилар. Голларга Давронбек Сотволдиев, Муҳаммаддиёр Иномжонов ҳамда Хабибжон Шариповлар муаллифлик қилишди. Айниқса учршувнинг сўнгги дақиқаларида тахминан 30 метрлар масофадан  рақиб дарвозасига киртилган Шариповнинг суперголи турнинг энг чиройли голларидан бири бўлди. Шундай қилиб Эрнест Асанов шогирдлари кетма-кет уч учрашувда ғалаба қозониб , турнир жадвалида “Пахтакор”даги тенгқурлари билан бирга карвонбошилик қилишмоқда. U18 жамоамиз навбатдаги тур учрашувини 15-май куни ўз майдонларида Бекободнинг “Металлург” жамоаси ёшларига қарши ўтказадилар.

U18-биринчилиги

3-тур

“Динамо”U18 – “Қўқон-1912” U18     0-3

 

Гол: Давронбек Сотволдиев (33), Муҳаммаддиёр Иномжонов (43),Хабиб Шарипов (90+1)