25.04.2022

Coca Cola Суперлигаси 5-тур доирасидан ўрин олган АГМК – “Қўқон-1912” баҳси 27 апрель куни  Олмалиқ шаҳрида бўлиб ўтади. Навбатдаги баҳс олдидан ушбу жамоаларнинг ўзаро ўйинлардаги статистик маълумотлари билан таништириб ўтамиз.

Ўзаро ўйинлар

Ушбу жамоалар шу кунга қадар Ўзбекистон чемпионатларида 16 марта тўқнаш келишган. Ўйинларнинг тўрттасида футболчиларимиз ғалаба қозонишган. Тўққизта учрашувда олмалиқликлар қўли баланд келган. Учта баҳсда ғолиб номи аниқланмаган.

Тўплар нисбати 28-20 рақибимиз фойдасига. Ўзаро учрашувларда жамоамиз 15 очкони қўлга киритган. АГМК ҳисобида эса 30 очко мавжуд.
Жамоамиз сўнги марта 2018 йилнинг  9 ноябрь санасида Олмалиқдан ғалаба билан қайтишган эди.

Олмалиқда бўлиб ўтган учрашувлар:

18.04. 2015 – Олмалиқ – Қўқон-1912 – 2:1

30.06.2016 – Олмалиқ – Қўқон-1912 – 3:2

25.05.2017 – Олмалиқ – Қўқон-1912 – 0:0

12.04. 2018 – АГМК – Қўқон-1912 – 0:0

09.11. 2018 – АГМК – Қўқон-1912 – 1:3

07.04. 2019 АГМК – Қўқон-1912 – 7:1

07.07. 2020 АГМК – Қўқон-1912 – 2:1

03.07.2021  АГМК – ҚЎҚОН-1912 – 2:1

 

 

Ҳакамлар

Coca-Cola Суперлигасининг  5-турида фаолият олиб борадиган расмийлар маълум бўлди. Олмалиқдаги “ОКМК спорт мажмуаси” стадионида бўлиб ўтадиган АГМК – “Қўқон-1912” жамоалари ўртасидаги баҳсни Аскер Нажафалиев  бошчилигидаги ҳакамлар гуруҳи бошқариб борадиган бўлишди.

Аскер Нажафалиев суперлиганинг 4-туридан ўрин олган “Қўқон-1912” – “Металлург” жамоалари ўртасидаги баҳсни ҳам бошқариб борган ва бу учрашувда жамоамиз 1-0 ҳисобида ғалаба  қозонган эди.

Нажафалиевнинг навбатдаги қадами ҳам жамоамиз учун “қутлуғ” келишига умид қиламиз!

 

27 апрель, чоршанба

АГМК – ҚЎҚОН-1912

Ҳакамлар: Аскер Нажафалиев, Расулжон Фозилов, Максим Нехочин, Равшан Абдивоҳидов

VAR ҳаками: Рустам Лутфуллин

VAR ассистенти: Александр Сидоров

Назоратчи: Бахтиёр Намозов

Комиссар: Шоҳруҳ Саид

 

Бошланиш вақтлари

АГМК -“Қўқон-1912” учрашуви, 27 апрел куни  Олмалиқдаги “ОКМК” спорт мажмуаси стадионида соат 18:30 да старт олади. Ушбу жамоаларнинг ўринбосарлари U-21 биринчилиги 5-турида майдонга тушишади. Мазкур учрашув  Олмалиқдаги “Металлург”  стадионида  28 апрель куни бўлиб ўтади.