28.04.2022
Бугун Coca Cola суперлигасида 5-тур учрашувлари давом эттирилди. “ОКМК спорт мажмуаси”да АГМК ҳамда “Қўқон-1912” жамоалари ўзаро куч синашдилар.
Бахтиёр Ашурматов шогирдлари бу ўйинга таркибда жиддий йўқотишлар билан ташриф буюрди. Жароҳатлари сабабли жамоа етакчилари Жавоҳир Сидиқов, Александр Мерзляковлар Олмалиққа боришмаган бўлса, жамоа сардори Мурод Холмуҳаммедов заҳира ўриндиғидан ўрин олди.
Шундай бўлсада жамоамиз ўйинни кўтаринки руҳда бошлашди. Майдонга тушган таркибда легионер футболчилардан бошқа ҳамма рўзадор ҳолда майдонда тўп сурганини ҳам алоҳида қайд этиш лозим.
Учрашувнинг 6-дақиқасида Жамшид Хасанов рақиб дарвозабони билан бирга-бир вазиятга чиқиб кетди. Бироқ бу вазиятда дарвозабон яхши ҳаракат қилиб ўйинда хисоб очилмаслигини таъминлади. 10-дақиқада мезбонлардан Алишер Жалиловнинг зарбаси хавфли бўлди. 21-дақиқада Авазхон Маматхўжаев ўз қанотида қоидани бузди. Белгиланган жарима зарбасини Санжар Турсунов қоиймақом тарзда ижро этиб, ўйиндаги ҳисобни очди. Голдан сўнг вакилларимиз дарҳол ҳужумга ўтишди. Шаҳзодбек Нурматов боши билан рақиб дарвозасига зарба йўллади. Унинг зарбаси тўғри дарвозабоннинг қўлига бориб тушди. Ўйиннинг 31 дақиқасидан бошлаб майдонда 10 киши бўлиб қолдик. Марказда рақибга нисбатан қўпол ўйнаган Дилшод Раҳматуллаев бош ҳакам томонидан қизил карточкага лойиқ деб топилди. Мана шу вазият ўйинни тубдан ўзгартириб юборди. Майдонда сон жиҳатдан устун бўлган мезбонлар дарвозамиз олдида кўплаб хавфли вазиятларни яратишни бошладилар. 49-дақиқада ўнг қанотдан Санжар Турсунов йўллаган зарбадан сўнг тўп Шиховга тегиб, рикошет орқали дарвозамиз тўридан ўрин олди. Майдонда камчилик бўлиб қолишганига қарамасдан вакилларимиз ҳам рақиб дарвозаси олдида кўплаб голли вазиятларни ярата олишди.Қувондиқ Рўзиев, Мўмин Мелиев ва Иван Йосовичлар жуда қулай вазиятлардан фойдалана олишмади. Шу ўринда мезбонлар дарвозабони ҳам яхши ўйнаганини таъкидлаш лозим. Учрашувнинг қўшиб берилган дақиқаларида Сиявуш Ҳақназарий ҳисобни йирик кўришига олиб келди. Шу тариқа Олмалиқдан мағлубият билан қайтдик.
Coca Cola суперлигаси 5-тур
27 апрель, чоршанба. ОКМК спорт мажмауси. Олмалиқ шаҳри.
АГМК – “Қўқон-1912” 3-0
Ҳакамлар: Аскер Нажафалиев, Расулжон Фозилов, Максим Нехочин, Равшан Абдивоҳидов
VAR ҳаками: Рустам Лутфуллин
VAR ассистенти: Александр Сидоров
Назоратчи: Бахтиёр Намозов
Комиссар: Шоҳруҳ Саид
Голлар:Санжар Турсунов (22), Санъат Шихов(49 авт), Сиёвуш Ҳақназарий (90+2)
АГМК таркиби:
35.Валижон Раҳимов – 70.Мирғиёс Сулаймонов, 3.Сардор Раҳмонов, 5.Анзур Исмоилов, 2.Акром Комилов – 8.Абдулла Абдуллаев, 17.Санжар Турсунов ©️, 63.Алишер Жалилов – 22.Шоҳруҳ Гадоев, 23.Александр Касьян, 10.Хуршид Ғиёсов.
Захира:
1.Ботирали Эргашев – 4.Миржамол Қосимов, 7.Дилшод Аҳмадалиев, 9.Зафар Полвонов, 11.Мурод Тошматов, 27.Мартин Боакье, 31.Аҳмадулло Муқимжонов, 77.Нодир Абдураззоқов, 88.Сиявуш Ҳақназарий.
“Қўқон-1912” таркиби:
1. Музаффар Абдуллаев, 5. Славко Лукич, 6. Дилшод Рахматуллаев, 7. Жамшид Хасанов, 8.Санъат Шихов, 14. Авазхон Маматхўжаев, 15.Ойбек Рустамов, 17.Қувондиқ Рўзиев, 18.Шахзод Нурматов, 33.Иван Йосович, 70. Билолхон Тошмирзаев
Захирада:
12. Ислом Абдуллаев, 4. Илҳом Ваҳобов, 11.Мўмин Мелиев, 13. Сардор Азимов, 20. Муроджон Комилов, 22. Сардор Етовқўзиев, 27. Анвар Хожимирзаев, 77.Мурод Холмуҳаммедов, 99. Абдулла Юнусов
