03.05.2022
Бугун Coca Cola суперлигасида 6-тур учрашувлари давом эттирилди. Яйпандаги “Ўзбекистон” стадионида “Қўқон-1912” жамоаси, ОЧЛ ўйинларида муваффақиятли иштирок этиб қайтган, Қаршининг “Насаф” жамоасини қабул қилди.
Бахтиёр Ашурматов шогирдлари бу ўйинга жиддий тарзда тайёргарлик кўришган ва рамазон ҳайитига мухлислар учун ғалабани совға қилишни ният қилган эдилар. Учрашувни жароҳатлари сабабли жамоа етакчилари Жавоҳир Сидиқов, Александр Мерзляковлар заҳирадан бошлашган бўлса, жамоа сардори Мурод Холмуҳаммедов қайдномага киритилмади.
Шундай бўлсада жамоамиз ўйинни яхши бошлади ва кучли рақибга нисбатан майдонда муносиб ўйин намойиш қилишди. Бахтиёр Ашурматов бу ўйинга 4-4-2 тактик схемасини танлади. Ўйиннинг 1-бўлимида Шаҳзодбек Нурматов, Мўмин Мелиев, Иван Йосович ва Санъат Шиховларда қулай вазиятлар юзага келди. Шунингдек рақибларимизнинг кам сонли ҳужумларидан бирида Шароф Муҳитдинов дарвозамиз томон аниқ ва кучли зарба йўллади. Бу вазиятда Музаффар Абдуллаев жамоамизни голдан асраб қолди.
Ўйиннинг иккинчи бўлими ҳам тенг курашлар остида бўлиб ўтди. Ҳар икки жамоа вакиллари навбати билан ҳужумларга зўр беришди. Мураббийларимиз ўйинни кучайтириши мақсадида заҳирадан Билолхон Тошмирзаев, Жавоҳир Сидиқов ҳамда Александр Мерзляковларни майдонга туширишди. Бироқ гол уриш бизга насиб қилмади. Ўйиннинг 87-дқиқасида меҳмонлар бурчак зарбасидан сўнг ўйиндаги ҳисобни очишди. Бу вазиятда дарвозабонимизга нисбатан фол бўлгандек кўринди. Лекин ҳакам ўйинни давом эттиришга рухсат берди. Иккинчи темпдаги ҳужумдан сўнг Умар Эшмуродов дарвозамизга гол киритди.
Шу тариқа кучли рақибга нисбатан яхши ўйин кўрсатган футболчиларимиз аламли тарзда мағлубиятга учрашди.
ҚЎҚОН-1912 – НАСАФ 0:1
Ҳакамлар: Рустам Лутфуллин, Санжар Шоюсупов, Алишер Усмонов, Ғайрат Жўраев
Назоратчи: Игорь Нехочин
Комиссар: Зохиржон Акрамхонов.
Гол: Умар Эшмуродов 87, 0:1
“Қўқон-1912”: 1. Музаффар Абдуллаев, 5. Славко Лукич, 7. Жамшид Хасанов ( 10. Жавоҳир Сидиқов, 72), 8.Санъат Шихов ( 23.Александр Мерзляков, 78), 11.Мўмин Мелиев (70. Билолхон Тошмирзаев, 59) 13. Сардор Азимов, 14. Авазхон Маматхўжаев, 15.Ойбек Рустамов, 17.Қувондиқ Рўзиев, 18.Шахзод Нурматов (27. Анвар Хожимирзаев, 78) 33.Иван Йосович
Захира: 12. Ислом Абдуллаев, 4. Илҳом Ваҳобов, 19.Диёр Жалолдинов, 20. Муроджон Комилов, 22. Сардор Етовқўзиев
“Насаф”: 35.Абдувоҳид Неъматов, 2.Алибек Давронов ( 99.Семир Смайлагич, 73), 4.Хусниддин Алиқулов, 7.Шароф Мухитдинов, 8.Дилшод Саитов, 10.Хусайн Норчаев, 22.Акмал Мозговой, 30.Азиз Холмуродов (9.Иван Соловьёв, 65), 77.Ойбек Бозоров ( 27.Зафармурод Абдураҳматов, 89), 88.Марко Станоевич ( 18.Баҳром Абдураҳимов, 73), 92.Умарбек Эшмуродов
Захира: 13.Азамат Соибов, 5.Ғолиб Ғайбуллаев, 6.Муродбек Раҳматов, 17.Суҳроб Нуруллоев, 23.Сардор Садуллаев,
Огоҳлантириш: Санъат Шихов (“Қўқон-1912”) 11, Абдувоҳид Неъматов (“Насаф”) 21, Акмал Мозговой (“Насаф”) 76, Жавоҳир Сидиқов (“Қўқон-1912”) 82
