03.07.2023
Xabaringiz bor, bugun “Qo’qon-1912” jamoasi tajribali himoyachi Avazxon Mamatxo’jayev bilan shartnoma imzoladi. Jamoamiz safiga qaytgan Avazxon “Qo’qon-1912” jamoasining matbuot xizmatiga qaytishi haqida qisqacha intervyu berdi.
“Yil boshida “Qizilqum”dan taklif tushdi. Dastlabki turlarda barchasi joyida edi, men asosiy tarkibda maydonga tushayotgan edim. Biroq “Buxoro”ga qarshi uchrashuvda jarohat oldim va deyarli birinchi davraning qolgan qismida jarohatni davolash bilan oʻtkazdim. Bu futbol. Jarohat esa futbolning bir qismi. Birinchi davra yakunida “Qoʻqon-1912” jamoasidan taklif boʻldi. Men esa oʻylab oʻtirmasdan jonajon klubimga qaytishga qaror qildim. Maqsadim: “Qoʻqon-1912” jamoasida yaxshi harakat qilib, jamoani Superliga olib chiqishga yordam berish”,-dedi tarjibali himoyachimiz.