07.08.2024

Bugun Qoʻqondagi “Markaziy” stadion suxandoni, Anvarjon aka Oxunovning tugʻilgan kunlari.

Qoʻqon futbolining tirik ensiklopediyasi , ustoz jurnalist Anvarjon aka bugun tabarruk 70 yoshni qarshi oldilar. Anvarjon akani hamma oʻz hayotini futbolga baxshida qilgan inson deb biladi. Lekin Anvarjon aka uchun bugun qoʻshaloq bayram. Kecha Oʻzbekistonda temiryoʻlchilar kuni keng nishonlanmoqda. Anvar aka Oxunov ilk ish faoliyatini temiryoʻlchilikdan boshlaganlar. Anvar aka 1966-1971-yillarda Qoʻqon shahar bolalar temir yoʻlidagi parovozda bir yil oʻt yoquvchi, bir yil mashinist yordamchisi va toʻrt yil mashinist boʻlib bolajonlarga olam-olam quvonch baxshida etganlar.

Anvar aka haydagan parovoz hozirgi kunda respublika temir yoʻllari muzeyiga qoʻyilgan. Shunday ekan biz Anvarjon akani bugungi qoʻshaloq bayramlari bilan tabriklaymiz. U kishiga oilaviy xotirjamlik, uzoq umr hamda sogʻlik-salomatlik tilaymiz!

Tugʻilgan kunigiz muborak boʻlsin!