Туркманистон пойтахти Ашхобод шаҳрида Ёпиқ иншоотлардаги Осиё ўйинларининг футзал мусобақаси ўз якунига етди. Финал баҳсида Ўзбекистон ва Эрон терма жамоалари ўзаро баҳс олиб борди.

Мазкур учрашувда Ўзбекистон футзал терма жамоаси 1:7 ҳисобида имкониятни бой бериб, Осиё ўйинларининг кумуш медалига сазовор бўлди. Баҳодир Аҳмедов жамоасининг ягона голига 29-дақиқада Даврон Чориев муаллифлик қилди. Шундай қилиб, Ўзбекистон термаси Осиё ўйинларининг кумуш медалига сазовор бўлди.

Яримфиналда Ўзбекистондан енгилган Япония термаси бронза медали учун ўйинда Афғонистон билан ўйнади. Асосий ва қўшимча вақтда 1:1 ҳисоби қайд этилди. Пенальтилар сериясида эса японияликлар 3:1 ҳисобида ғалаба қозонди.

Ёпиқ иншоотлардаги Осиё ўйинлари

Футзал. Финал
Ашхобод, Туркманистон

Эрон – Ўзбекистон 7:1

Голлар: Маҳди Жавид (4, 9, 32, 36), Али Асҳар Ҳасанзода (21, 37), Ҳамид Аҳмадидазай (31) – Даврон Чориев (29)

Огоҳлантиришлар: Артур Юнусов (8), Константин Свиридов (31)