19.06.2017

“Барселона” ўзининг трансфер бозоридаги ҳолатидан тушкунликка тушмоқда. “Кўк-анорранглилар” футболчиларига муносиб таклиф тушмаётгани жамоа техник директори Роберт Фернандесни шок ҳолатига туширмоқда.

“Барса” жамоанинг янги бош мураббийи Эрнесто Вальверденинг режаларига кирмаётган футболчиларни сотиб, янги футболчиларни харид қилиш учун пул ишлаб олишни кўзлаётганди. Аммо ҳозирча Арда Турон, Мунир, Вермален, Матьё ва Самперга бошқа жамоалардан таклифлар тушмади. Шу боис, каталонияликлар Рафинья ва Денис Суареснинг трансфери борасида тушадиган жиддий таклифни ўрганиб чиқмоқчи.

Юзага келган вазият билан “Барселона” президенти Жозеп-Мария Бартомеу хабардор қилинган.