Англия клублари трансфер қоидаларига жиддий ўзгаришлар киритилишига сабаб бўлиши мумкин.

Сентябрь ойида АПЛ клубларининг навбатдаги йиғилиши бўлиб ўтади. Унда трансфер дарчаси ҳар доимгидек 1 сентябрь куни эмас, балки АПЛ 1-тури санасигача ёпилиши ҳақида қарор қабул қилиниши режалаштирилмоқда.

Бу ўзгаришни АПЛ клубларининг кўпчилиги қўллаб қувватламоқда ва катта эҳтимол билан у тасдиқланиб, келаси мавсумдан бошлаб кучга киради.

Эслатиб ўтамиз, АПЛ жорий мавсуми 13 август куни, трансфер дарчаси ёпилишидан 18 кун олдин старт олган эди.