12.01.2021

2021 йилги футбол мавсумида ўз олдига юксак мақсадларни қўяётган “Қўқон-1912” жамоаси , янги мавсумга тайёргарликнинг 2-босқичини бошлади.

Бахтиёр Ашурматов шогирдлари бугун, 11 январь кунидан Тошкент шаҳрида йиғилиб машғулотларга киришишди. Тошкентдаги машғулотларга жамоанинг барча асосий таркиб футболчилари ҳамда Қўқонда бўлиб ўтган дастлабки йиғинда ўзини яхши томонлама кўрсатган футболчилар таклиф қилинди. Пойтахт йиғинида жамоанинг асосий етакчилари Мурод Холмуҳаммедов, Қувондиқ Рўзиев ҳамда Александр Мерзляковлар ҳам жамоа сафига қўшилишган. Жамоанинг бугунги машғулотлари “Тўқимачи” стадионида бўлиб ўтди.
Тошкентдаги машғулотлар 20 январга қадар давом этиши кўзда тутилган. Мураббийларнинг режаларига кўра мазкур йиғин давомида иккита назорат учрашуви ҳам ўтказилади. Назорат ўйинлари қайси жамоалар билан ва қачон ўтказилиши борасида алоҳида хабарни ижтимоий тармоқларимизга жойлаймиз. Бизни кузатиб боринг, биз билан бирга бўлинг !