02.05.2021

“Қўқон-1912” жамоаси суперлиганинг навбатдаги турида Андижон шаҳрида , “Андижон” жамоасининг меҳмони бўлади. Қўқонликлар доимо муросасиз курашларга бой ўтадиган “водий дерби”сига тайёргарликни аллақачон бошлаб юборишган.
Бахтиёр Ашурматов бошчилигидаги мураббийлар штаби навбатдаги тур учрашувларига футболчиларни ҳар томонлама пухта тайёрлаш учун бор билимларини ишга солишмоқда. “Шунқорлар” кечадан бошлаб Қўқондаги “Марказий” стадионида ўз машғулотларини ўтказишяпти. Қувонарлиси машғулотларга жароҳатидан тузалиб бораётган Суҳроб Бердиев ҳамда Бобур Акбаровлар қўшилишган. Ҳар икки футболчи ҳозирча алоҳида машғулотларда иштирок этишмоқда. Кеча ва бугун бўлиб ўтган машғулотларга ўринбосалар таркибидан ҳам бир нечта футболчилар жалб қилинган.

“Андижон” ҳамда “Қўқон-1912” жамоалари ўртасидаги “дерби” 5-май куни , Андижондаги “Бобур Арена” стадионида бўлиб ўтади.