24.07.2017
Россия премьер-лигасининг 2-тури доирасида “Амкар”га қарши ўйинда “Анжи”нинг 3 нафар футболчиси жароҳат олди. Улар орасида ўзбекистонлик ярим ҳимоячи Вадим Афонин ҳам бор. Бу ҳақда махачқалъаликлар расмий веб-сайти хабар тарқатди.
«Вадим Афонин тўпиғидан лат еди. Унинг сафга қайтиши учун 7-10 кун керак бўлади», — дейилади «Анжи» расмий сайтидаги баёнотда.
Ушбу жароҳат туфайли Афонин 30 июль куни бўладиган «Локомотив» — «Анжи» ўйинида иштирок эта олмайди.
