28.11.2018
Рepsi суперлиганинг 32-туридан ўрин олган вилоят дербисида “Нефтчи” ва “Қўқон-1912” клублари Фарғонада тўқнаш келишади.
Мазкур жамоаларнинг ўзаро ўйинлардаги статистик маълумотларни эътиборингизга ҳавола этамиз.
28-учрашув арафасида
Ушбу жамоалар Ўзбекистон чемпионатларида шу кунга қадар 27 бора тўқнаш келишган. “Нефтчи” 19 та ўйинда ғолиб бўлган, 3 марта дуранг қайд этилган. “Қўқон-1912” бу рақибни беш марта мағлуб этган. Тўплар нисбати “Нефтчи” томонида – 69:34. Ўзаро ўйинларда “Нефтчи” 60 очкога эга бўлган бўлса, “Қўқон-1912” 18 очкони қўлга киритган.
Фарғонада бўлиб ўтган сўнгги бешта учрашув
17.08.2018
Нефтчи – Қўқон 1912 – 1:0
31.03.2017
Нефтчи – Қўқон 1912 – 1:2
10.06.2016
Нефтчи – Қўқон 1912 – 2:1
30.10.2015
Нефтчи – Қўқон 1912 – 0:1
08.09.2003
Нефтчи – Қўқон 1912 – 6:2
Жорий йилдаги бешинчи учрашув
Ушбу мавсумда бу жамоалар ўзаро тўртта учрашувни ўтказишга улгуришди. Суперлига доирасида уч марта, кубок баҳсларида бир марта. Қўқонда ўтган ўйинларнинг бирида дуранг қайд этилган бўлса битта учрашувда вакилларимиз қўли баланд келган, Фарғонадаги баҳсда мезбонлар кичик ҳисобда ғалаба қозонишган.
Шунингдек, Ўзбекистон кубоги нимчорак финалидаги баҳсда футболчиларимиз ўз майдонларида қўшимча бўлимда киритган гол эвазига ғалаба қозонишганди.
Бошланиш вақтлари
Бу жамоалар ўртасидаги учрашув 29 ноябрь куни “Истиқлол” стадионида соат 18:00да бошланади. Бугун эса ўринбосарлар ўртасидаги ўйин бўлиб ўтади. Мазкур баҳс соат 14:00да Киргулидаги “Нефтчи СК” стадионида ўтказилади.
