18.06.2019

Coca Cola суперлигасининг навбатдаги 12-тур учрашувини “Қўқон-1912” жамоаси сафарда ўтказади. Футболчиларимиз 22-июнь куни Жиззах шаҳрида маҳаллий “Сўғдиёна” жамоасининг меҳмони бўлишади.

Жиззахда бўладиган учрашувга футболчиларимиз бугундан тайёргарликни бошлаб юборишди. Азиз Тўхтабоев бошчилигидаги жамоамиз аъзолари Тошкент шаҳрида тўпланишган ва айни дақиқаларда ўз машғулотларини бошлаб юборишди.
“Қўқон-1912” – “Сўғдиёна” ўйини 22-июнь, шанба куни соат 19-30 да старт олади. Учрашуви Жиззахдаги “Сўғдиёна” марказий стадионида бўлиб ўтади.