27.06.2019

Бугун, «27 июнь Матбуот ва оммавий ахборот воситалари ходимлари куни» сифатида мамлакатимзда кенг нишонланади. Ҳаётимизнинг бирон соҳасини оммавий ахборот воситалари фаолиятисиз тасаввур этиш қийин.

Мамлакатимизда оммавий ахборот воситалари фаолиятини ривожлантиришнинг халқаро андозаларга тўла мос келадиган мустаҳкам қонунчилик базаси шакллантирилган.

Ахборот соҳасидаги эркинлик ва ошкораликни таъминлаш ҳамда кенг жамоатчиликка етказишда оммавий ахборот воситаларининг фаоллигини ошириш бугунги куннинг долзарб вазифасидир.

Мамлакатимизда инсон манфаатлари йўлида амалга оширилаётган ислоҳотлар, фуқаролик жамиятини ривожлантириш борасида олиб борилаётган саъй-ҳаракатларни кенг жамоатчиликка етказишда матбуот ва ОАВ ходимлари алоҳида ўрин тутади. Журналистларнинг Ватанимиз Мустақиллигини мустаҳкамлаш, юртимизда кечаётган улкан ўзгариш ва янгиланишларни миллий ва халқаро даражада кенг жамоатчиликка етказиш, холис ва ҳаққоний ахборот тарқатиш борасидаги шарафли ва масъулиятли фаолияти эътиборга лойиқ. Шу боис мамлакатимизда соҳа ходимларини ҳар томонлама қўллаб-қувватлаш борасида ҳам тизимли ишлар олиб борилмоқда.

“Қўқон-1912” футбол клуби Ватанимиз равнақи, халқимиз фаровонлигини юксалтириш, мустақиллигимизни мустаҳкамлаш йўлида жонкуярлик ва жонбозлик кўрсатиб келаётган фидойи касб эгаларига чуқур ҳурмат билдириб – “27 июнь – Матбуот ва оммавий ахборот воситалари ходимлари куни” муносабати билан барча журналистика ва матбуот соҳаси ходимларини бугунги касб байрами билан табриклайди!