30.01.2021

Аввал хабар бериб ўтганимиздек, шу кунларда Фарғонада катта футбол байрами давом этмоқда. Бугун “Вилоят ҳокими кубоги-2021” халқаро турнирининг чорак финал учрашувлари бўлиб ўтди.  Мусобақанинг еттинчи кунида мухлислар бир-биридан қизиқарли кечган баҳсларнинг гувоҳи бўлишди.

Пенальтилар серияси

Бугун мусобақада биринчи пенальтилар сериясига гувоҳ бўлдик. Фарғонанинг “Истиқлол” жамоасига футбол лотореясида омад кулиб боқди. Анвар Бердиев шогирдлари чорак финалда “Бухоро” клубига қарши майдонга тушишди. Мазкур баҳснинг асосий қисмида дуранг натижа қайд этилди. Регламентга кўра, ўйиндан кейин дарҳол пенальтилар серияси бошланиб кетди. Пенальтилар сериясида “Истиқлол” – 5:4 ҳисобида рақибидан устун келди.

 

“Нефтчи”дан яна йирик ғалаба

Мусобақа ғолиблигига асосий даъвогар бўлиб турган “Нефтчи” жамоаси чорак финалда ҳам рақибини қийинчиликсиз мағлуб этди. Илҳом Мўминжонов шогирдлари “Навбаҳор фарм” клубини 3:0 ҳисобида доғда қолдиришди. Фарғоналикларнинг легионер футболчиси Неманья Обрадович бугунги баҳсда рақиб дарвозасини ишғол этди.

 

Носирбек Отақўзиев учун совға

“Қўқон-1912”– “Турон” учрашуви олдидан  “Қўқон-1912” жамоаси президенти Бахтиёржон Толипов бугун туғилган кунини нишонлаётган Фарғона футбол ассоциацияси биринчи вице-президенти Носир Отақўзиевни жамоамиз ва қўқонлик мухлислар номидан табриклади ҳамда эсдалик совғани тақдим этди.

 

“Дерби”да кичик ғалаба

Мусобақадаги яна бир ярим финалчи номи – “Қўқон дерби”сидан кейин аниқланди. Бу йилдан бошлаб мухлислар янги номдаги “дерби”га гувоҳ бўлишади. Суперлига дебютанти билан бўлган баҳсда Бахтиёр Ашурматов шогирдлари кичик ҳисобда ғалаба қозонишди.

 

Гуруҳ пешқадамлари ярим финалда

Чорак финал учрашувлари – гуруҳ босқичи ғолиблари учун омадли келди. Тўртта гуруҳ ғолиблари рақибларини мағлуб этиб, мусобақанинг ҳал қилувчи босқичига етиб келишди. “Бунёдкор” жамоаси ярим финал остонасида “Нур Баткен” клубини 5:0 ҳисобида тор-мор келтирди.

 

“ВИЛОЯТ ҲОКИМИ КУБОГИ- 2021”

Чорак финал

«Нефтчи» – «Навбаҳор фарм» – 3:0 (2:0)

Голлар: Абдуллоҳ Олимов 10, Отабек Зокиров 39, Неманья Обрадович 90.

«Нефтчи»: Машҳур Муҳаммаджонов, Шодиёр Хожиматов, Шавкат Муллажонов, Тоҳир Шамситдинов, Сайдулло Раҳматов, Худойшукур Сатторов, Абдул Азиз Юсупов, Шерзод Каримов, Азам Алиев, Абдуллоҳ Олимов, Отабек Зокиров.

Захира: Шуҳратилло Раҳмонов, Дарко Станоевич, Сарвар Солиев, Неманья Обрадович, Умар Адҳамзода, Жасур Абдулбеков, Акбар Тўраев.

«Навбаҳор фарм»: Миржалол Маматханов, Жавоҳир Олимжонов, Қодиржон Икромов, Азизбек Нишонбоев, Жамол Баҳромов, Юнусхон Абдувоҳидов, Аюбхон Жўраев, Дониёр Иномов, Хожиакбар Юнусов, Ҳусаин Эргашбоев, Достон Абдулхаев.

Захира: Бобир Махсумов, Жавоҳир Ҳусанов, Музаффар Абдуллаев, Омадбек Тоштемиров, Абдувоҳид Шарипов, Азимжон Абдураимов, Комил Тожиддинов, Шоҳжаҳон Аббосов.

 

“Истиқлол” – “Бухоро” – 1:1 (пен.сер – 5:4)

Голлар: Дилёр Эрматов – 38. – Ҳакимхон Аламхонов-90.

“Истиқлол”: Ф. Турдалиев, Ш. Бойқўзиев, А. Қурбонов, А. Ўктамов, И. Вахобов, П. Смоляченко, С. Сотволдиев, Э. Мамасолиев, М. Саидов, А. Хожимирзаев, Д. Исоқов.

“Бухоро”: С. Қобулжонов, М. Жумаев, А. Жўраев, Ш. Саломов, С. Шихов, А. Исроилов, Б. Қосимов, Қ. Баходиров, Ф. Жуманқўзиев, Х. Аъламхонов, А. Сафаров.

 

“Қўқон-1912” – “Турон” – 1:0 (1:0)

Гол: Сардор Азимов, 24.

“Қўқон-1912”: 21. Музаффар Абдуллаев, 3. Бобур Акбаров, 7. Шоҳназар Норбеков, 13. Сардор Азимов, 14. Аваз Маматхўжаев,15. Ойбек Рустамов, 19. Фарҳод Бекмуродов, 22. Муҳаммаданас Ҳасанов, 23. Александр Мерзляков, 70. Мурод Холмуҳаммедов, 99. Мўмин Мелиев.

Захира: 16. Элдор Адҳамов, 46. Хуршид Хўжаев, 4. Собит Синдаров, 5. Сардор Етовқўзиев, 10. Рустам Абдуҳамидов, 17. Шоҳруҳ Холматов, 20. Иқбол Маликжонов, 37. Муҳсин Норматов, 39. Ҳамидулло Абдуҳамидов.

“Турон”: 1. Ислом Абдуллаев, 43. Жаҳонгир Меҳмонов, 38. Ғиёс Комилов, 28. Аслиддин Тоштемиров, 33. Достонбек Мелиқўзиев, 51. Суннатилло Эрматов, 88. Музаффар Музаффаров, 70. Синиша Бабич, 29. Абдураҳмон Абдулхақов, 47. Абдулазизхон Абдурашидов, 34. Дониёр Исмоилов.

Захира: 87. Акмал Ортиқов, 44. Фозил Мусаев, 31. Абдуқаҳҳор Ҳожиакбаров, 26. Исмоил Охунжонов, 36. Билолхон Тошмирзаев, 42. Ғолиббек Сарибоев, 35. Жавоҳир Соҳибов, 30. Даврон Умиров, 45. Умид Қодиров, 39. Асилбек Қаюмов, 95. Жасур Ҳакимов, 57. Орифхўжа Абдуҳолиқов.

 

«БУНЁДКОР» – «НУР БАТКЕН» (Қирғизистон») – 5:0 (1:0)

Голлар: Иброҳим Томива, 45, Нурилло Тўхтасинов, 52, Миржаҳон Мираҳмадов, 55, 74, Суннатилла Абдуллажонов, 57.

«Бунёдкор»: Равшан Ягудин, Абдулла Абдуллаев (Бобурбек Фарҳодов, 65), Улуғбек Абдуллаев (Диёр Раҳимқулов, 71), Ислом Тўхтахўжаев, Муҳаммадодил Қаҳрамонов, Лутфулла Тўраев (Амир Раҳматуллаев, 74), Иброҳим Ибрагимов (Санжар Рашидов, 46), Ғайрат Азизхўжаев (Одилжон Абдураҳмонов, 46), Валерий Акопов (Нурилло Тўхтасинов, 46), Иброҳим Томива (Суннатилла Абдуллажонов, 46), Шаҳбоз Эркинов (Миржаҳон Мираҳмадов, 46).

«Нур Баткен»: Алишер Пахриддинов, Абдумалик улу Эламан, Зойирбек Зайналов, Достонбек Тўхтаназаров, Иззатбек Ғаниев, Нодирхон Камолов, Жўрабек Ёқубов, Достон Рашидов (Бекжан Алихонов, 68), Фарҳод Неъматов, Раҳимбек Маматкаримов (Равшанбек Жанишев, 86), Дилшодбек Умрзоқов (Эмилбек Эргешели, 44).

 

“ВИЛОЯТ ҲОКИМИ КУБОГИ- 2021”

ЯРИМ ФИНАЛ

1 февраль (душанба)

ФарДУ ўйингоҳи

11:00. «Нефтчи» – «Бунёдкор»

14:00. «Истиқлол» – «Қўқон-1912»

 

Аброр ДЕҲҚОНОВ тайёрлади