14.08.2021

Бундан бир неча дақиқа олдин Навоийдаги “Ёшлик” стадионида Coca Cola Суперлигаси 15-тур доирасидаги “Қизилқум” – “Қўқон-1912” учрашуви бўлиб ўтди. 

Баҳсни шиддатли тарзда бошланган навоийликлар 8-дақиқада ҳисобни очишди. Мате Ватсадзе вазиятдан унумли фойдаланиб, дарвозамизни ишғол этди.

Голдан кейин вакилларимиз ҳужумга зўр беришди. 18-дақиқада жарима зарбасидан сўнг Бамбанинг бош билан берган зарбаси ноаниқ бўлди. 22-дақиқада Мате Ватсадзе дарвозабонимиз билан бирга-бир вазиятга чиқиб борган эди. Вазиятдан фойдалан олмади

33-дақиқада футболчиларимиз ижросидаги жуда чиройли комбинация натижасида рақиб дарвозаси олдида хавфли вазият юзага келди. Бамба сўнгги зарба бироз адашди.

Биринчи бўлим якунланиши арафасида қўқонликлар ҳисобни тенглаштириши. Сардор Азимовнинг зарбаси бироз рикошет орқали Нестеров дарвозасидан ўрин олди. Жамоалар танаффусга шу ҳисобда чиқиб кетишди.

Иккинчи бўлим ҳам худди биринчиси каби шиддатли тарзда бошланди. Таймни вакилларимиз фаол тарзда бошлашганига қарамай, биринчи хавфли вазият дарвозамиз олдида вужудга келди. 61-дақиқада майдон эгалари пенальти тепиш ҳуқуқига эга бўлишди. Григалашвилининг зарбасини дарвозабонимиз қайтарди ва ҳақиқий қаҳрамонга айланди.

74-дақиқада Георгий Кухианидзе жуда кучли зарба билан мезонларни ҳисобда олдинга олиб чиқди. Ушбу гол грузилиялик футболчининг Суперлигадаги дебют голи сифатида тарихда қолди. Голдан кейин дарҳол ҳужумга зўр берган қўқонликлар ҳисобни тенглаштиришлари мумкин эди. Дастлаб Йосовичнинг бош билан берган зарбасини Нестеров қайтариб қолди. Мурод Холмуҳаммедовнинг бурчакдан оширган тўпи рақиб дарвозаси тўсинига тегиб майдонни тарк этди. 83-дақиқада захирадан майдонга тушган Андрей Сидоров боши билан рақиб дарвозасини ишғол этиб, ҳисобни тенглаштирди. Сўнгги дақиқаларда футболчиларимиз ғалаба тўпини киритишлари мумкин эди. Ойбек Рустамов бирга-бир вазиятдан фойдалана олмади. Қолган дақиқаларда томонлар ҳарчанд ўринишмасин, ҳисоб ўзгармади ва кетма-кет иккинчи баҳсда вакилларимиз 2:2 ҳисобни қайд этишди.

 

Coca Cola Суперлигаси

15-тур

ҚИЗИЛҚУМ – ҚЎҚОН-1912 – 2:2 (1:1)

Ҳакамлар: Абдурашид Худойберганов, Санжар Шоюсупов Алишер Усмонов, Рустам Чориев

Назоратчи: Арслон Хотамов

Комиссар: Александр Давиденко

Голлар: Мате Ватсадзе (9) Георгий Кухианидзе (74) – Сардор Азимов (40), Андрей Сидоров (83)

Амалга оширилмаган пенальти: Элгужа Григалашвили 61 (дарвозабон).

“Қизилқум”: 1.Игнатий Нестеров, 6.Эркин Байдуллаев, 7.Ислом Кенжабоев, 8.Гиорги Кухианидзе, 10.Мате Ватсадзе, 14.Файзулла Қамбаров, 17.Салим Мустафоев, 18.Жасур Азимов (9.Беҳруз Садиллоев, 86), 20.Ислом Тўхтахўжев, 30.Элгужа Григалашвили (92.Владислав Алексин, 81), 75.Олег Толмасов.
Захира: 22.Артём Макосин, 4.Миржалол Қосимов, 11.Шамсиддин Сагдуллаев, 19.Жамшид Ҳасанов, 25.Азизбек Ҳасанов, 44.Ҳумоюн Абдуалимов, 71.Тимур Набиев.
“Қўқон-1912”: 1.Музаффар Абдуллаев, 3.Бобир Акбаров, 5.Славко Лукич (19.Суҳроб Бердиев, 80), 8.Фарҳод Бекмуротов (20.Иқболжон Маликжонов, 11), 10.Шоҳназар Норбеков, 13.Сардор Азимов (11.Мўмин Мелиев, 80), 15.Ойбек Рустамов, 22.Муҳаммаданас Ҳасанов, 33.Иван Йосович, 70.Мурод Холмуҳаммедов, 91.Якуба Бамба (99.Андрей Сидоров, 83).
Захира: 96.Исломжон Абдуллаев, 9.Ҳамидулло Абдуҳамидов, 14.Авазхон Маматхўжев, 18.Анвар Хожимирзаев.