04.11.2018

5 ноябрь куни Қўқондаги “Марказий стадионда Pepsi Суперлига 29-туридан ўрин олган “Қўқон-1912” – “Қизилқум” учрашуви бўлиб ўтади. Қуйида ушбу жамоаларнинг ўзаро ўйинлардаги статистик маълумотлар билан таништириб ўтамиз.

16-учрашув арафасида

Шу кунга қадар бу жамоалар Ўзбекистон чемпионатлари доирасида 15 марта тўқнаш келишган. Ўйинларнинг тўрттасида футболчиларимиз ғалаба қозонишган. 10 баҳсда навоийликларнинг қўли баланд келган. Битта учрашувда эса дуранг натижа қайд этилган.

Тўплар нисбати 30-14 “Қизилқум” фойдасига. Ўзаро ўйинларда жамоамиз 13 очкони қўлга киритган. Рақибимизнинг бу борадаги кўрсаткичи 31 очкони ташкил этади.

Қўқонда бўлиб ўтган учрашувлар

26.05.2018

Қўқон-1912 – Қизилқум – 0:1

18.03.2017

Қўқон-1912 – Қизилқум – 1:0

24.04.2016

Қўқон-1912 – Қизилқум – 0:3

25.09.2015

Қўқон-1912 – Қизилқум – 1:0

19.04.2003

Қўқон-1912 – Қизилқум – 1:3

30.11.2002

Қўқон-1912 – Қизилқум – 2:1

02.11.2000

Темирйўлчи – Қизилқум – 1:3

Мавсумдаги бешинчи учрашув

Жорий мавсумда ушбу жамоалар тўрт бор тўқнаш келишган. Уч марта Pepsi Суперлига доирасида бир марта Ўзбекистон кубоги чорак финалида. Чемпионатдаги ўйинларнинг биттасида ғалаба қозонган бўлсак, иккита ўйинда мағлубиятга учраганмиз.

Ўзбекистон Кубоги чорак финалида эса вакилларимиз 2:0 ҳисобида зафар қучишган.

Бошланиш вақтлари

Pepsi Суперлига 29-туридан ўрин “Қўқон-1912” – “Қизилқум” учрашуви эртага соат 18:00да бошланади. Ушбу жамоаларнинг ўринбосарлари ўртасидаги баҳс эса бугун соат 15:00да старт олади.

Барча мухлисларимизни “Марказий” ўйингоҳга чорлаб қоламиз.