03.04.2019

«Қўқон-1912» жамоаси Ўзбекистон чемпионатларидаги 405-ўйинини ўтказиш арафасида турибди. 14-мавсум кучлилар сафида иштирок этаётган қўқонликлар шу кунга қадар 404 та учрашув ўтказишга муваффақ бўлишди.

Шуларнинг 145 тасида жамоамиз ғалаба қозонган. 62 учрашувда ғолиб номи аниқланмаган. 197 та ўйинда мағлубиятга учраган. Тўплар нисбати 538 – 730. Умумий очколар 497 тани ташкил этади.

Coca Cola Суперлигаси 3-тур доирасидаги АГМК билан бўладиган учрашув жамоамизнинг Ўзбекистон чемпионатлардаги 405-ўйини сифатида тарихда қолади.

Айтганча, жамоамизнинг бундан олдинги икки юбилей учрашув айнан АГМКга қарши кечган баҳсларга тўғри келганди. 2015 йилда 300-, 2018 йилда 400-учрашувни олмалиқликларга қарши ўтказганмиз.