18.07.2019

Мавсумнинг иккинчи қисмига Чирчиқ шаҳрида тайёргарлик олиб бораётган “Қўқон-1912” футболчилари бугун ўзларининг футбол қоидалари бўйича билимларини ошириб олишди.

Бугун жамоа аъзоларига футбол қоидаларига ФИФА томонидан киритилган янгиликлар бўйича семинар ташкил қилинди. Семинарни таниқли ҳакам, айни кунларда ҳакамлар назоратчиси бўлиб фаолият олиб бораётган Марат Исмоилов олиб борди.
Семинар давомида жамоа мураббийлари ва футболчилар ФИФА томонидан футболга киритилган янги қоидалар билан тўлиқ танишитириб ўтилди. Жамоа аъзолари ўзларини қизиқтирган саволларга таниқли мутахассисдан жавоблар олишди. Семинар қизғин мунозараларга бой тарзда бўлиб ўтди.