11.08.2019

Бугун юртимизда катта байрам. Қурбон Ҳайитини нишонламоқдамиз. Шундай саодатли кунда “Қўқон-1912” футбол клуби диёримизда яшовчи барча юртдошларимизни Муборак Қурбон Ҳайити билан самимий қутлайди.

Муборак кунларда қурбонлик қилганларнинг эҳсонини Аллоҳ даргоҳида қабул қилсин. Қурбонлик қилишга қодир бўлмаганларни қодир қилсин.

Яна бир бора барчаларимизга бу икки байрам муборак бўлсин! Шундай фазилатли айёмда дуога қўл очиб, она Ватанимиз ва бутун дунёни тинчлик ва осудалик, халқимизни фаровон айлаб, кейинги йил Қурбон ҳайити кунларига соғу-саломатлик билан етиб боришни барчамизга насиб этишини сўраймиз.

Қурбон ҳайити барчамизга муборак бўлсин!