24.11.2020
Қўқондаги 2-БЎСМга қарашли стадионда U 21-биринчилиги 24-турдан ўрин олган “Қўқон-1912” – “Локомотив” учрашуви бўлиб ўтди.
Учрашув вакилларимизнинг ҳужумлари билан бошланди. Илк дақиқалардан ҳужумкорликка зўр берган ёшларимиз рақиб дарвозаси олдида бир қатор хавфли вазиятларни юзага келтиришди. Хусусан, 38-дақиқада Маъмуржоновнинг узатмасидан сўнг Норматов рақиб дарвозасига гол киритган эди. Ҳакамлар офсайд қайд этишди. Шундан кейин ҳам ҳужумкорликка сусайтирмаган Қўқонликлар кетма-кет хавфли вазиятларни юзага келтиришди ва ана шундай ҳужумларнинг бири рақиб дарвозасининг ишғол этилиши билан якунига етди. 42-дақиқада қанотдан оширилган тўпни Сардорбек боши билан рақибларимиз дарвозасига жойлаб қўйди. Танаффусга жамоалар шу ҳисобда чиқиб кетишди.
Иккинчи бўлим ҳам вакилларимизнинг фаоллиги билан бошланди. Кетма-кет ҳужумлар 59-дақиқада самара келтирди. Бекзод Каримов рақиб дарвозасига тахминан 20-22 метрлардан кучли зарба йўллаб, ҳисобни ўзгартирди.
77-дақиқада захирадан майдонга тушган Тўхтасинов ҳисобни қисқартириши мумкин эди. Унинг йўллаган зарбаси дарвозамиз устунининг ёнгинасидан ўтиб кетди. Сўнгги дақиқаларда меҳмонлар ҳисобни қисқартиришлари мумкин эди. Дарвозабонимиз бизни яққол голдан асраб қолди. Шу тариқа, футболчиларимизнинг устунлигида ўтган баҳс ёшларимизнинг ғалабаси билан интиҳо топди.
U 21-биринчилиги
24-тур
“Қўқон-1912” – “Локомотив” – 2:0 (1:0)
Голлар: Сардор Етовқўзиев(42), Бекзод Каримов (59).
“Қўқон-1912”: 12. Муҳаммадали Собиров, 2. Шаҳзод Маъмуржонов, 5. Жасур ёқубов, 25. Барҳаёт Саидаҳмаджонов, 29. Рамзбек Исақов, 31. Иброҳим Мухторов, 34. Бекзод Каримов, 37. Муҳсин Норматов, 39. Сардор Етовқўзиев, 42. Рустем Асанов, 99. Бек Абдуллаев.
Захира: 67. Эгамберди Алижонов, 24. Абдуллох Миркомилов, 41. Абдуллажон Юнусов, 61. Отабек Қодиров, 73. Абдувосит Абдурашидов.
“Локомотив”: 84. Жўраев, 2. Асқаров, 15. О. Жўраев, 16. Собиров, 17. Абрамов, 21. Назаров, 29. Туропов, 40. Рафаэлов, 56. А. Алижонов, 59. Саидваққосов, 70. Қиличев.
Захира: Исоқов, Рўзиев, Абдусаметов, Суннатов, Асатиллаев, Тошпўлатов, Тўхтасинов.
