19.03.2018
Бугун Ўзбекистон футбол ассоциациясининг расмий сайтида Ўзбекистон миллий ва олимпия терма жамоаларининг ўртоқлик учрашувлари учун жалб этилган футболчилар рўйхати эълон қилинди. Унга кўра, ҳар икки терма жамоага “Қўқон-1912”нинг тўрт нафар аъзоси таклиф этилди.
Жавоҳир Сидиқов Ўзбекистон миллий терма жамоасининг Сенегал ва Марокаш миллий терма жамоаларига қарши бўладиган ўртоқлик учрашувига чақирув олди.
Суперлига ўйинларида ўзини кўрсата олган Муҳаммаданас Ҳасанов, Осиё чемпиони Ойбек Рустамов ва жамоамизнинг яна бир иқтидорли ўйинчиси Аваз Маматхўжаевлар Ўзбекистон олимпия терма жамоасининг Кения билан бўладиган ўртоқлик учрашувларига таклиф этилган.
Футболчиларимизга терма жамоаларимиздаги фаолиятларига омад тилаб қоламиз.