20.01.2018

Бугун Фарғонада ЎФФ томонидан ташкил этилган “Келажагимиз умидлари” футбол фестивали бошланди. Фарғона шаҳридаги олимпия захиралари коллежи спорт залида бўлиб ўтган фестивалнинг биринчи кунида 7 ёшли футболчиларчилардан ташкил топган 10 та жамоа иштирок этди.

Фестивални Фарғона вилоят футбол федерацияси биринчи вице-президенти Тоҳир Кападзе очиб берди.

Шундай кейин жамоалар жуфтликларга бўлинган ҳолда майдонга куч синашишди.

Фестивал давомида иштирокчиларига совға сифатида тўплар, спорт формалари тақдим қилинди ҳамда Фахрий ёрлиқлар топширилди.

Мазкур фестивал Фарғонада яна уч кун давом этади. Эртага 8 ёшли футболчилардан ташкил топган жамоалар фестивалда қатнашишади.

Аброр ДЕҲҚОНОВ