29.09.2018

Мамлакатимизда 1 октябрь- «Ўқитувчи ва мураббийлар куни» умумхалқ байрами сифатида кенг нишонланади. Шу кунларда ушбу байрамга бағишланган турли тадбирлар давом этмоқда. Ана шундай тадбирлардан бири Риштон туманида жойлашган, вилоятимиздаги энг кўп ўқувчисига эга бўлган – 27-умумий ўрта-таълим мактабида ўтказилди.

Маълумки, ушбу мактабда спортга бўлган эътибор жуда юқори эканлигини ҳеч ким инкор этмаса керак. Ўзбек спорти жонкуярларидан бири – Эркинжон Тошқўзиев мазкур ўқув-даргоҳида спортнинг ҳар бир турини ривожлантиришга ҳаракат қилмоқда.

Бугунги кунда ушбу дргоҳда таҳсил олганлар катта спортда ҳам юқори наижаларни қўлга киритишмоқда. Хусусан, ОФК кубоги ғолиби бўлган, мамлакатимизнинг номдор ҳужумиларидан бири Носир Отақўзиев ҳам 27-мактабда таҳсил олган.

1 октябрь- «Ўқитувчи ва мураббийлар куни»га бағишланган футбол мусобақасида барчанинг фахрига айлаган Носир Отақўзиевнинг расмий меҳмон сифатида келиши ҳам катта воқелик бўлди. Ўзбек футболи юлдузининг ўзи таҳсил олган мактабга ташриф буюриб, ўқитувчиларини байрам билан табриклаши ҳам тадбирга ўзгача руҳ бағишлади. Тадбир якунида мактабнинг икки жамоаси “Фортуна” ва “Фаворит” ўртасидаги ўйин ўтказилди.  Унда “Фортуна” жамоаси 2:0 ҳисобида ғалаба қозонди.

Шу тариқа, Риштон туманида жойлашган – 27-умумий ўрта-таълим мактабида бўлиб ўтган 1 октябрь- «Ўқитувчи ва мураббийлар куни»га бағишланган футбол мусобақаси юқори нотада якунига етди.

Аброр ДЕҲҚОНОВ