25.10.2018

Маълумки, 28 октябрь куни Фарғонадаги “Истиқлол” стадионида Ўзбекистон Кубоги финали бўлиб ўтади. Ҳал қилувчи баҳсда Тошкентнинг “Пахтакор” ва Олмалиқнинг АГМК клублари куч синашишади. Айни дамда ушбу учрашувни юқори савияда ўтказиш учун Фарғонада катта тайёргарлик кўрилмоқда. Мамлакат кубогининг финал учрашувига мезбонлик қилиш бу жуда шарафли бўлиш билан бирга катта масъулиятни ҳам талаб этади. Шуни яхши ҳис этган вилоятимиз раҳбарлари мазкур учрашувни аъло даражада ўтказиш учун кенг куламдаги ишларни амалга оширишмоқда.

Хусусан, Фарғона вилояти футбол ассоциацияси ходимлари тиним билишмаяпти.

Очиғини тан олиш лозим, кубок финалида вилоятимизнинг бирорта жамоаси йўқлиги мухлислар ташрифига таъсир кўрсатиши мумкин. Лекин бир нарсани унутмаслик керак, бундай ўйинлар ҳар доим ҳам бўлавермайди.

Шунинг учун мухлисларга 28 октябрь куни “Истиқлол” стадионига ташриф буюришларини тавсия этамиз. Шу куни Фарғонада катта футбол байрами бўлади.

Келинг, кўринг, завқланг. Фарғонада катта футбол. Бунақаси ҳали бўлмаган.

Демак, 28 октябрь Фарғона “Истиқлол” стадиони. Ўзбекистон кубоги финал учрашуви. Ўтказиб юборманг!

Манба: oltinvodiy.uz