09.05.2019

Бугун жорий йилдан бошлаб янги ташкил этилган Ўзбекистон Лига Кубоги мусобақасига қуръа ташланди. Маълумки, ушбу турнирда Суперлиганинг барча клублари ва “А” Про лиганинг икки жамоаси “Машъал” ва “Шўртан” иштирок этади.

Регламентга кўра, жамоалар тўртта гуруҳга бўлинган ҳолда ғолиблик учун кураш олиб боришади.

Қуръа натижасига кўра, “Қўқон-1912” жамоаси “В” гуруҳидан ўрин олди. Қўқонликлар энг кучли гуруҳдан ўрин олишди. Гуруҳ босқичида Нўъмон Ҳасанов шогирдларига Тошкентнинг “Пахтакор” ва “Локомотив” ҳамда Бухоронинг “Бухоро” клублари рақиблик қилишади.

Лига Кубогининг биринчи тур учрашувлари 31 май куни старт олиши режалаштирилган. Ушбу мусобақа клублар учун кўпроқ ўйин амалиётига эга бўлиш мақсадида ташкил қилинмоқда.

Ўзбекистон Лига кубоги-2019 тақвими:

1-тур – 31 май ва 1 июнь

2-тур – 2 ва 3 июль

3-тур – 6 ва 7 июль

1/4 финал – 14 август

1/2 финал – 25 ва 26 сентябрь

Финал – 3 ноябрь