06.06.2021

Coca Cola суперлигасида юзага келган танаффус вақтида Бахтиёр Ашурматов шогирдлари Қўқон шаҳрида ўз машғулотларини олиб боришаётган эди. Жамоа бош мураббийи бугундан барча футболчиларга қисқа муддатли таътил эълон қилди.
“Шунқорлар” 2 кун дам олгач, навбатдаги машғулотларга 8-июнь кунида киришишади. Навбатдаги ўқув-йиғин машғулотлари Тошкент шаҳрида олиб борилади. “Қўқон-1912” жамоаси суперлиганинг навбатдаги тур учрашувини айнан пойтахтда, “Локомотив” жамоасига қарши ўтказади. “Локомотив” – “Қўқон-1912” ўртасидаги учрашув 20-июнь куни Тошкентдаги “Локомотив” стадионида бўлиб ўтади.