26.11.2017

«Барселона» клуби аргентиналик ҳужумчи Лионель Месси билан амалдаги шартномани узайтирди.

Томонлар 2020/21-мавсум ёзига қадар мўлжалланган шартнома имзоладилар. Янги келишувга кўра 30 ёшли футболчининг товон пули 700 млн еврони ташкил қилади.

Месси шу кунгача «Барселона» сафида 602 ўйин ўтказиб, 523 та голга муаллифлик қилди. Месси каталонияликлар билан биргаликда саккиз бор Испания чемпиони, тўрт бор ЕЧЛ ғолиби, беш марта Испания Кубоги соҳиби, етти марта Испания Суперкубоги, уч бор УЕФА Суперкубоги эгаси ва уч марта клублар ўртасидаги ЖЧ ғолибига айланди.