19.01.2018

Мирсаид Миролимов бошчилигидаги “Қўқон-1912” аёллар жамоаси ҳам мавсумга қизғин ҳозирлик кўришмоқда. Қўқон шаҳридаги 9-умумий ўрта таълим мактаби ва Бурвестник стадионида бўлиб ўтаётган машғулотларда 25 нафар қизлар иштирок этмоқда. Шу кунларда Мирсаид Миролимов шогирдлари ўртоқлик учрашувини ўтказиш режалаштирилган. Айни дамда рақиблар билан музокара олиб борилмоқда.

Қизларимиз учун февраль ойида Бекобод шаҳрида 10 кунлик йиғин ташкил этиш режалаштирилмоқда.

Олимжон Йўлдашев бошчилигидаги “Қўқон-1912” мини-футбол жамоаси ҳам янги мавсумга жиддий ҳозирлик кўрмоқда. Мини-футболчиларимиз Учкўприк туманидаги стадион ва шу тумандаги коллеж залида кунига бир маҳал машғулот ўтказишмоқда.

14 январь куни футзалчиларимиз Фарғона шаҳрида Қувасойнинг “Цементчи” мини-футбол жамоаси билан ўртоқлик учрашувини ўтказишди. Ўйинда вакилларимиз 8:7 ҳисобида ғалаба қозонишди. 21 январь куни эса ушбу жамоа билан Қўқон шаҳрида ўртоқлик учрашувини ўтказиш режалаштирилган. Жамоа кўригида бир қатор футболчилар борлигини ҳам айтиб ўтиш жоиз.