17.02.2018

2018 йилги футбол мавсумини Қўқонлик футбол мухлислари сабрсизлик билан кутишаётгани бор гап. “Марказий” ўйингоҳ таъмирланиб, ишқибозларимиз учун қулай шароитлар яратилади. Айни дамда стадионда янги мавсумга тайёргарлик авжида. Мавсум бошлангунга қадар ўйингоҳ идеал ҳолатда бўлади.
Бугунга қадар стадион ёритгичлари янгиланди. Мутахасислар энди ёритгичларни созлашлари керак. Кийиниш хоналари, хакамлар ва назоратчилар хоналари, душлар барчаси тубдан янгиланди ва замановий кўринишга келтирилмоқда.
Трибуналарга ҳам янги ўриндиқлар ўрнатиш бошланди. Овоз кучайтиргичларга қўшимча колонкалар ўрнатилади. Бир сўз билан айтганда барчаси мухлисларимиз учун қулай бўлади. “Қўқон-1912” клуби ходимлари Қўқонлик футбол ихлосмандларини хурсанд қилиш учун доимо тайёр. Биз мухлисларимиз билан фахрланиб келамиз.
Қуйида ўйингоҳдаги қурилиш ишларига бағишланган суратларни ҳукмингизга ҳавола этамиз.