09.04.2018

Анъанага кўра championat.asia сайти 5-турнинг рамзий терма жамоасини эълон қилди. Қувонарлиси ушбу рамзий терма жамоа сафидан икки нафар футболчимиз ўрин олди. Дарвозабон Ўткир Юсупов ҳамда ҳимоячимиз Мурод Ҳолмухаммедовлар журналистлар фикрига кўра, ўз позицияларида тенгсиз деб топилишди.

Суперлиганинг 5-турида ёрқин футбол кўрсатган футболчилардан иборат рамзий терма жамоани тузиб чиқдик.

Унга кўра, дарвозага “Қўқон-1912” посбони Ўткир Юсупов лойиқ кўрилди. Юсупов “Локо”га қарши ўйинда бир қатор вазиятларда ажойиб сейв қилиб жамоасини муқаррар голлардан қутқарди ва тур қаҳрамонига айланди.

Ўнг қанот ҳимояси эса Мурод Холмуҳаммедов билан тўлдирилди. Холмуҳаммедов “Қўқон-1912″нинг “Локомотив”га қарши кечган баҳсида нафақат пенальтидан гол урди, балки бутун ўйин давомида мудофаа чизиғини ишончли тўп суришида ўзининг катта ҳиссасини қўшишига муваффақ бўлди – деб ёзади  championat.asia сайти ижодкорлари.