02.08.2018

Pepsi Суперлигасининг сўнгги турларида ҳар бир очко учун жамоалар қизғин кураш олиб боришмоқдаю Шунинг учун жамоалар майдонга фақат ғалаба учун тушишмоқда. 3-дақиқада мезбонлар хавфли вазиятга эга бўлишди. Ўткир Юсупов тўпни қайтаришга муваффақ бўлди. 9-дақиқада яна мезбонлар яхши имкониятга эга бўлишди. Собирхўжаевнинг зарбасини Юсупов қайтарди.

15-дақиқада ҳисоб очилди. Жавоҳир Сидиқовнинг ажойиб тўп узатишидан кейин Жасур Ҳакимов мезбонлар дарвозасини ишғол этди. 20-дақиқада вакилларимиз иккинчи голни киритшлари мумкин эди. Аммо Жасур Ҳакимовнинг зарбаси бироз кучсиз чиққани боис Зухуров тўпни ушлаб олди.

27-дақиқада футболчиларимиз бурчак зарбасидан кейин кутилмаганда комбинация ижро этишди ва Ғиёс Комилов иккинчи бор рақиб дарвозасини ишғол этди.

Биринчи бўлимнинг қолган дақиқаларда футболчиларимиз анча ҳужумкор ўйин кўрстишди. Жасур Ҳакимовда рақиб дарвозасини ишғол этиш имконияти вужудга келганди. Бироқ танаффусга жамоалар шу ҳисобда чиқиб кетишди. Бунинг устига тайм охирига келиб, мезбонлар бир киши кам бўлиб қолишди. Беш дақиқа ичида икки марта сариқ карточка олган Акром Комилов жамоадошларини қийин аҳволда қолдирди. Иккинчи қўполликдан кейин Комиловга қизил карточка кўрсатилди ва у майдонни тарк этди.

Иккинчи бўлимни футболчиларимиз фаоллик билан бошлашди. Тайм бошида Жасур Ҳакимов ҳисобни йирик кўринишга олиб келиши мумкин эди. Аммо унинг зарбасига аниқлик етишмади.

64-дақиқада мезбонлар ҳужумини Ўткир Юсупов қўполлик билан тўхтатиб қолгани боис, дарвозамизга пенальти белгилади. Пенальтини эса Иброҳимов аниқ амалга оширди ва ҳисобни қисқартирди.

Гол ўтказиб юборгач,  футболчиларимиз катта куч билан олдинга ташланишди. 74-дақиқада вакилларимиз учинчи тўпни киритишди. Жавоҳир Сидиқовнинг зарбасидан кейин тўп рақибга теккан ҳолда дарвозадан ўрин олди.

Бутун баҳс давомида ҳужумкор ўйин намойиш этган футболчиларимиз ҳақли равишда ғалабага эришишди. Шу тариқа очколаримиз сони 27 тага етди.

 

Pepsi Суперлига

20-тур

“Бунёдкор” – “Қўқон-1912” – 1:3 (0:2)

Ҳакамлар: Темур Тўхтасинов, Анвар Маражабов, Зиёдулло Абдураҳмонов, Раҳим Каримов.

Назоратчи: Бахтиёр Тоғаев.

Комиссар: Бахтиёр Маметов.

Голлар: Жавлон Иброҳимов – 64 (пен). –  Жасур Ҳакимов – 15, Ғиёс Комилов – 27, Жавоҳир Сидиқов – 74.

“Бунёдкор”: 25. Мурод Зухуров, 2. Рустам Ашрматов, 4. Акром Комилов, 5. Дилшод Жўраев, 7. Дилшод Аҳмадалиев, 8. Жавлон Иброҳимов, 9. Шаҳзод Нурматов (99. Филип Райевац-76), 11. Мурод Тошматов (16. Жасур Жалолидлинов – 83), 18. Сардор Собирхўжаев, 30. Хуршид Ғиёсов, 44. Миржамол Қосимов (77. Азиз Ҳайдаров – 46).

Захира: 32. Суҳроб Султонов, 3. Ислом Қобилов, 14. Миржаҳон Мираҳмадов,  21. Расул Юлдашев, 62. Жаҳонгир Абдусаломов.

“Қўқон-1912”: 1. Ўткир Юсупов, 5. Ғиёс Комилов, 10. Жавоҳир Сидиқов, 17. Қувондиқ Рўзиев, 19. Суҳроб Бердиев (78. Бехруз Садиллоев-78), 22. Мурод Холмуҳаммедов, 23. Александр Мерзляков, 55. Дарко Гожкович (4. Баҳодир Акрамов-64), 65. Марко Милич, 70. Жасур Ҳакимов (9. Носир Отақўзиев-66), 79. Иқбол Маликжонов.

Захира: 12. Муҳаммадали Собиров, 11. Фирдавс Асадов, 41. Савелий Абрамов, 96. Муҳаммаданас Ҳасанов, 97. Муслим Қурбонов.