20.09.2018

Янги форматда ўтказилаётган Ўзбекистон кубоги баҳслари тобора ўз поёнига етиб бормоқда. Кечаги учрашувларидан кейин барча ярим финалчилар маълум бўлди. Финал йўлида кураш олиб борадиган жамоаларнинг барчаси – Суперлига вакилларидир.

Бугун финал йўлида кураш олиб борадиган клублар ўз рақибларини билиб олишади. Аниқроғи, бугун ярим финал учун қуръа ташланади.

Ярим финал жуфтликлари “Спорт” телеканали орқали жонли эфирда намойиш этиладиган “Гол” кўрсатуви вақтида ташланадиган қуръа орқали аниқлаб олинади. Кўрсатув бугун —соат19:40 да бошланади.

Таъкидлаш жоиз, Ўзбекистон кубогининг 1/8 финал учрашувлари қуръаси ҳам, 1/4 финал қуръаси ҳам “Спорт” телеканали орқали жонли эфирда намойиш этилган эди.

Эслатиб ўтамиз, ярим финалчилар орасида “Қўқон-1912” жамоаси ҳам бор ва бугун вакилларимизнинг рақиби маълум бўлади.