24.10.2018
Ҳозиргина Қўқондаги “Марказий” стадионда Pepsi суперлига 27-туридан ўрин олган “Қўқон-1912” – “Нефтчи” ўйинидан олдинги йиғилиш бўлиб ўтди.
Йиғилишда ҳар икки жамоа вакиллари ва учрашув комиссари Б. Ҳайдаров иштирок этишди.
Мазкур йиғилишда ўйин олди жараёнлар ҳамда бугунги баҳсда жамоалар қандай рангдаги либосларда майдонга тушишлари борасида келишиб олишди.
Унга кўра, бугунги баҳсда мезбонлар “Қўқон-1912” жамоаси ҳаворанг формаларда, меҳмонлар “Нефтчи” футболчилари эса оқ рангли либосларда майдонга тушадиган бўлишди. Дарвозабонимиз қизил қора, меҳмонлар посбони эса кўк рангли футболкаларда ҳаракат қилишади.
Бугунги беллашувда жамоамизга омад тилаб қоламиз.
* * *
Азиз футбол мухлислари !
Бугун Қўқондаги “Марказий” стадионида бўлиб ўтадиган Фарғона вилояти “дерби”си , спорт тв орқали жонли тарзда олиб кўрсатилмайди.
Учрашув ёзиб олинган ҳолда эртага кўрсатилади.
Барчангизни “Марказий” стадионига келиб “дерби”ни жонли равишда томоша қилишга ҳамда жамоамизни қўллаб-қувватлашга чорлаб қоламиз !
* * *
Бугунги учрашув MYCUJOO TV орқали жонли эфирда намойиш этилади. Баҳсни кузатиб бориш учун ушбу ҳаволага https://mycujoo.tv/video/uzbekistan-football-federation?id=26331 ўтинг.
