07.03.2019

Эртага, 8-март куни 2019-йилги мавсум старт олади. Coca Cola суперлига деб номланадиган чемпионат баҳсларини “Қизилқум” – “Андижон” учрашуви очиб беради.

“Қўқон-1912” жамоаси 1-тур учрашувини 10-март куни Наманганнинг “Навбаҳор” жамоасига қарши ўтказади. Бу учрашув ўтказиладиган стадион аввалига Фарғонадаги “Истиқлол” стадиони бўлиши ҳақида хабар берган эдик. Кеча “Навбаҳор” футбол клуби расмий сайти “водий дерби”си Тошкентда ўтказилиш ҳақида хабар чиқарди. Демак “Навбаҳор” мезбонлигида ўтадиган “Қўқон-1912” – “Навбаҳор” учрашуви , Тошкент шаҳридаги ТТЙМИ стадионида бўлиб ўтадиган бўлди. Учрашувнинг бошланиш вақти ҳам ўзгарган. Ўйин соат 15-00 да старт олади.
Барча мухлисларимизни жамоамизни қўллаб-қувватлашга чорлаб қоламиз !